Չինաստանի մէջ տեղի ունեցող Նանճինկ-2014ի պատանեկան ծանրաբարձութեան ողիմպիական խաղերուն Հայաստան տիրացաւ իր երկրորդ ոսկի մետալին, կը յայտնէ ArmSport.am:
Ծանրաբարձութեան 85 քկ դասակարգին մէջ հիանալի ելոյթ ունենալով՝ Սիմոն Մարտիրոսեան երկրորդ ոսկի մետալը պարգեւեց Հայաստանին:
Առաջին փորձին ան բարձրացնելով 170 քկ, 20 քկ-ով գերազանցեց 2-րդ դիրքին վրայ յայտնուող իր սերպ մրցակիցին:
Ապա յաջորդին ան 221 քկ կշռող ծանրաձողը բարձրացնելով աշխարհի երիտասարդական նոր մրցանիշ մը հաստատեց:
Նախապէս, 21 Օգոստոսին Հայաստան նուաճած էր առաջին ոսկի մետալը:
77 քիլոկրամ ծանրութեան եղողներու պայքարին մէջ հիանալի ելոյթ ունեցած է ծանրաբարձ Յակոբ Մկրտչեանը, որ երկամարտի 319 քկ. արդիւնքով խլեց ոսկի մետալ: Պատանեկան ողիմպիականի պատմութեան ընթացքին առաջին անգամն է, որ Հայաստան կը տիրանայ ոսկի մետալներու։
Հայաստանի համար արդէն երեք մետալներու տիրացած են հայ մարզիկները։ 20 Օգոստոսին արծաթ մետալի արժանացած էր հրացանաձիգ Հրաչիկ Բաբայեանը:
Հայաստանի 32 անդամ հաշուող պատուիրակութիւնը կը գլխաւորէ Հայաստանի ազգային ողիմպիական կոմիտէի գլխաւոր քարտուղար Հրաչեայ Ռուստամեան: