Ռուսիոյ արտաքին գործոց նախարարութիւնը յայտարարութիւն մը հրապարակելով՝ մտահոգութիւն յայտնեց Թուրքիոյ մէջ ՆԱԹՕ-ի հակարթիռային վահանէն տարրերու տեղակայման վերաբերեալ։

Այսօր Մոսկուայի մէջ տեղի կունենայ Ռուսիա - Ֆրանսա ապահովական հարցերով համագործակցութեան խորհուրդի հերթական նիստը, որուն ընթացքին Ռուսիոյ եւ Ֆրանսայի արտաքին գործոց նախարարներ Սերկէյ Լաւրով եւ Ալեն Ժիւփէ, ինչպէս նաեւ պաշտպանութեան նախարարներ Անաթոլի Սերտիուքով եւ Ժերար Լոնկէ պիտի քննեն իրավիճակը Լիպիոյ եւ Սուրիոյ մէջ, ինչպէս նաեւ պաղեստինա-իսրայէլեան հակամարտութեան առնչուող հարցեր:
Անոնք պիտի քննեն նաեւ Լեռնային Ղարաբաղի տագնապի կարգաւորման հոլովոյթը։

Թրքական «Հապեր Թիւրք» լրատու գործակալութիւնը կը տեղեկացնէ, որ Թուրքիոյ արտաքին գործոց նախարարութիւնը արտասահմանի իր բոլոր դեսպանատուներուն գաղտնագիր ղրկելով, զանոնք հրաւիրած է հայկական Սփիւռքի կողմէ Ցեղասպանութեան  հարիւրամեակին առթիւ նախատեսուած միջոցառումներու դէմ այժմէն կանխարգելիչ միջոցներու դիմելու։

Մեր ընթերցողներու ուշադրութեան կը յանձնենք «Քնալը Կղզին եւ Պոլսահայութիւնը» խորագիրը կրող դոկտ Սարգիս Ատամի հետեւեալ անդրադարձը, որ հրապարակուած է «Հորիզոն» շաբաթաթերթի մէջ։

Յունական մամուլի մեծամասնութիւնը գոհունակութեամբ բայց նոյն պահուն թերահաւատութեամբ ու կասկածամտութեամբ ընդունեց «վագըֆ»ները իրենց սեփական տէրերուն  վերադարձնելու մասին Թուրքիոյ վարչակարգի վերջին օրէնքը, որ վարչապետ Էրտողանի կողմէ յայտարարուեցաւ: