Print
Category: Թուրքիա-Ատրպէյճան

Թրքական լրատուամիջոցները կը հաղորդեն, որ Թուրքիոյ նախագահ Ապտիւլլա Կիւլ վաւերացուցած է Զինուորական բարձրագոյն խորհուրդի նիստին ընթացքին նշանակուած զինեալ ուժերու սպայակոյտի ղեկավար կազմի նոր անդամները:


Թրքական բանակի սպայակոյտի պետ նշանակուած է զօր. Նեճտեթ Էօզել, ցամաքային ուժերու հրամանատար՝ զօր. Հայրը Քըվրըքօղլու, ծովուժի հրամանատար՝  ծովակալ Էմին Մուրատ Պիլկել, օդուժի հրամանատար՝ զօր. Մեհմետ Էրթեն, ոստիկանութեան մասնայատուկ ուժերու հրամանատար՝  զօր.Պեքիր Քայոնճու: Զօր. Նեճտեթ Էօզելի նշանակումը պէտք է նաեւ հաստատուի նախարարաց խորհուրդին կողմէ:
Զինուորական բարձրագոյն խորհուրդի նիստին ընթացքին քննարկուած է նաեւ յեղա-շրջումի «Պալիոզ» ծրագիրի շրջագիծին մէջ կալանաւորուած 14 զօրավարներուն հարցը: Որոշուած է այդ զօրավարներուն պաշտօնավարման ժամկէտը երկարաձգել մէկ տարիով: