Print
Category: Թուրքիա-Ատրպէյճան

«Անատոլու» լրատու գործակալութեան համաձայն, Պոլսոյ դատարաններէն մէկը շուրջ 23 տարուան ազատազրկման դատապարտեց Հրանդ Տինքի սպանութեամբ ամբաստանուած Օկիւն Սամասթը:

Դատարանը ցմահ բանտարկութեան դատապարտած էր Սամասթը, սակայն պատիժը նուազեցաւ 258 ամսուան (քսանմէկուկէս տարի) ազատազրկման՝ տրուած ըլլալով, որ յանցագործը անչափահաս էր, երբ 2007-ին սպաննած էր Հրանդ Տինքը: Սամասթ նաեւ ստացաւ 16 ամսուան յաւելեալ բանտարկութեան վճիռ՝  առանց արտօնագիրի զէնք կրելու պատճառով:
Նշենք, որ Սամասթ 17 տարեկան էր, երբ «Ակօս» շաբաթաթերթի խմբագրատան առջեւ սպաննած էր Հրանդ Տինքը, որ հայութեան մասին իր գրութիւններով գրգռած էր թուրք ազգայնամոլներու զայրոյթը: