Սեպտեմբեր 20-ին ՀՀ սփիւռքի նախարարութիւնը կազմակերպած էր լիբանանահայ երկարամեայ մանկավարժ, մշակութային եւ հասարակական գործիչ Գէորգ Գանտահարեանին նուիրուած` «Գէորգ Գանտահարեան` ամէնուն ուսուցիչը» գիրքի շնորհանդէսը:
«Սա մի գրքի շներհանդէս է, որը նուիրուած է մի մեծ հայի, լաւ հայի, հայրենասէր հայի: Մարդ, ով իր կեանքը նուիրաբերեց լիբանանահայ համայնքային կեանքին, կրթեց եւ իր հայրենասիրութեամբ վարակեց սերունդների»,-նշեց ՀՀ սփիւռքի նախարար Հրանուշ Յակոբեան իր բացման խօսքով: Ան իրաւամբ նկատեց, որ «մարդու իսկական մեծութիւնը երեւում է նրա մահից յետոյ»:
Նախարար Հրանուշ Յակոբեանը Գէորգ Գանտահարեանի թոռնուհիին յանձնեց Գէորգ Գանտահարեանին շնոր- հուած ՀՀ սփիւռքի նախարարութեան Կոմիտաս մետալը:
Գէորգ Գանտահարեանի յիշատակին սիրոյ, մեծարանքի խօսքեր ըսին գիրքի խմբագիր Երուանդ Տէր Խաչատուրեանը, Լիբանանի թեմի առաջնորդ Տ. Գեղամ արք. Խաչերեանը, Լիբանանի ազգային կեդրոնական վարչութեան ատենադպիր, Մեծի Տանն Կիլիկիոյ կաթողիկոսութեան ներկայացուցիչ Տիգրան Ճինպաշեանը, «Կամար ամսաթերթի» խմբագիր Ժիրայր Դանիէլեանը, ԵՊՀ դասախօս, տոքթոր, փրոֆեսոր Կիմ Աղաբեկեանը:
Շնորհանդէսին կը մասնակցէին նաեւ Սփիւռքի կազմակերպութիւններու ղեկավարներու եւ ներկայացուցիչներու համահայկական համաժողովի ներկայացուցիչներ, հիւրեր, բարեկամներ: