Print
Category: Հայ Դատ

­Մի­ջազ­գա­յին մա­կար­դա­կի փաս­տա­բան եւ մար­դու ի­րա­ւունք­նե­րու ա­նո­ւա­նի ի­րա­ւա­պաշտ­պան Ճեֆ­րի Ռա­պըրթ­սըն Ջեֆ­րի ար­ժա­նա­ցած է «Ար­դա­րու­թեան Պաշտ­պան­ներ» մրցա­նա­կին` Հա­յոց Ցե­ղաս­պա­նու­թեան ճա­նաչ­ման գոր­ծին մէջ ու­նե­ցած իր ա­ւան­դին հա­մար:

Մր­ցա­նա­կը պի­տի տրո­ւի Հոկ­տեմ­բեր 25ին` Հ.Յ.Դ. Հայ Դա­տի Ա.Մ.Ն. յանձ­նա­խում­բի Ա­րեւմ­տեան շրջա­նի գրա­սե­նեա­կի կազ­մա­կեր­պած ա­մէ­նա­մեայ կա­լայ ըն­դու­նե­լու­թեան ժա­մա­նակ:

Ռա­պըրթ­սըն Հոկ­տեմ­բեր 23ին եւ 24ին պի­տի մաս­նակ­ցի նաեւ «­Ճա­նա­պարհ դէ­պի հա­տու­ցում» քննար­կու­մին, ո­րու ըն­թաց­քին մի­ջազ­գա­յին ի­րա­ւուն­քի մաս­նա­գէտ Գառ­նիկ Քր­քո­նեա­նի հետ պի­տի քննար­կեն մի­ջազ­գա­յին ի­րա­ւուն­քի ո­լո­րո­տին մէջ Հա­յոց Ցե­ղաս­պա­նու­թեան հար­ցը, ինչ­պէս նաեւ պի­տի ու­սում­նա­սի­րեն Հայ­կա­կան Հար­ցի լուծ­ման ի­րա­ւա­կան ու­ղի­նե­րը՝ Ցե­ղաս­պա­նու­թեան հա­րիւ­րա­մեայ տա­րե­լի­ցին յա­ջոր­դող շրջա­նին:

«­Ճեֆ­րի Ռա­պըրթ­սը­նի մաս­նակ­ցու­թիւ­նը Հայ Դա­տի Ա.Մ.Ն. յանձ­նա­խում­բի Ա­րեւմ­տեան շրջա­նի գրա­սե­նեա­կի կազ­մա­կեր­պած այս տա­րո­ւան քննարկ­ման վստա­հօ­րէն ա­ւե­լի բարձր սանդ­ղակ կը սահ­մա­նէ ա­պա­գայ նման քննար­կում­նե­րու հա­մար»,- ը­սած է Ա­րեւմ­տեան շրջա­նի գրա­սե­նեա­կի հա­մա­նա­խա­գահ Այք Տի­քի­ճեան: